Полицијата во Глазгов имаше многу работа со прославата на навивачите на Ренџерс по освојувањето на 55-та титула во историјата на клубот. За време на викендот, Ренџерс и официјално го добија шампионскиот трофеј, а илјадници навивачи се собраа на улиците на градот за да слават.

Сепак, енормните количини на алкохол за некои не излегоа на добро. Имаше масовни тепачки откако дел од навивачите почнаа да фрлаат предмети и шишиња кон дел од останатите групи навивачи на тимот од Глазгов.

Полицијата мораше да ги растера приврзаниците, но додека полицијата ја спроведе интервенција, многу навивачи беа повредени, а на некои дури им беше потребна лекарска помош.

 


sportmedia.mk