Тренерот на Лајпциг во заминување, Јулијан Нагелсман реши да ја казни левиот бек Анхелињо со тоа што го тргна од составот за финалето на Купот на Германија против Борусија Дортмунд.
„Не мора да влегуваме во детали сега“, рече Нагелсман пред утрешното финале на Купот во Берлин, но германски „Билд“ вели дека новиот тренер на Баерн бил разочаран од реакцијата на Анхелињо на тренингот по неодамнешниот пораз од Борусија Дортмунд во лигата.
Анхелињо одигра очајна партија, па Нагелсман очекуваше дефанзивецот да запне на тренинг, но немаше никаква реакција и затоа реши да го отстрани од списокот.
Ова не е прв „спор“ меѓу играчот и тренерот. Претходно, Шпанецот се пожали дека не игра иако не е повреден, а Нагелсман го тврдеше спротивното.
sportmedia.mk