Македонскиот репрезентативец Стефан Ристовски синоќа заедно со Аријан Адеми и нивните соиграчи од Динамо (З) направија историја со пласманот во четвртфиналето на Лигата на Европа. По мечот, за големиот успех дојде и лично им честиташе менаџерот на англискиот тим, Жозе Мурињо.

Ристовски ја искористил оваа ситуација за да оствари средба со Жозе Мурињо кој му подарил опрема од Тотенхем со автограм и специјална порака.

Стефан денеска со подарокот се огласи на социјалните мрежи со посебна порака до Мурињо:

„Потврдено, фудбалскиот свет научи многу од тебе, а имав и лична можност да те запознаам и да почувствувам колку си голем. Ти благодарам за овој незаборавен момент“, напиша Ристовски.

sportmedia.mk