logo
logo
logo

Му го спомнаа Роналдо, Бензема отсечно одговори: Пријателе, тоа воопшто не ме интересира!

Vecer | 23.04.2025

Му го спомнаа Роналдо, Бензема отсечно одговори: Пријателе, тоа воопшто не ме интересира!

Ал Итихад по пресврт го совлада Ал Етифак со 3-2 и ја задржа лидерската позиција во првенството, а по мечот во центарот на вниманието беше Карим Бензема, на кој не му се допадна кога новинар го спомна Кристијано Роналдо.

Најважно за Ал Итихад е што остварија победа со која ја задржаа лидерската позиција и ја зголемија предноста пред Ал Хилал кој заостанува шест бода.

Сепак, по мечот, Бензема беше во центарот на вниманието додека застана во микс зоната пред новинарите. Еден од новинарите коментираше дека Кристијано Роналдо оваа сезона најверојатно ќе биде најдобар стрелец во првенството и дека има постигнато повеќе голови од Бензема, а Французинот имаше коментар тоа што нема да ја освои Златната копачка.

„Не ми е гајле за тоа пријателе. Најважно е да го освоиме трофејот во првенството на Саудиска Арабија“, прокоментира Бензема и тргна кон автобусот на својот тим.

Инаку, Роналдо оваа сезона во Ал Наср постигна 23 гола и е прв на листата на стрелци, додека Бензема е четврти со пет гола помалку.

Ал Наср е трет на првенствената табела со осум бода помалку од Ал Итихад.


sportmedia.mk

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk