Екипата на Монца претрпе убедлив пораз на гостувањето кај Читадела во првиот меч од плеј-офот за пласман во италијанската Серија А. Идниот клуб на Лука Станковски се сопна кога беше најпотребно. Изгуби со 3:0 и сега ќе му треба чудо на свој терен за да го надмине овој пораз и да избори пласман во финалето. Монца, клубот на Берлускони и Галијани, немаше идеја за расположениот Балдини кој реализираше хет-трик.
Реваншот е за три дена на теренот на Монца. Интересно е што Монца регуларниот дел од сезоната го заврши на третото место, додека Читадела беше дури шестопласирана.
Во другото полуфинале Лече, за кого игра Бобан Николов, изгуби дома од Венеција со 0:1 со голот на Форте во 47. минута. Така Венеција се најде во пол-позиција за пласман во финалето.
Инаку директен пласман од Серија Б во Серија А направија екипите на Емполи и Салернитана.
sportmedia.mk
