Насмевки, вообичаено дождливо време и се разбира, максимална концентрација на последниот тренинг на нашата репрезентација попладнево во Букурешт во пресрет на утрешниот дуел со Украина.
Добро е, капитенот е насмеан. Горан Пандев е расположен за уште блескав настап во дресот на Македонија. Утре против Украина нашите херои ќе го играат своето финале. Не се сомневаме дека ќе го дадат и последниот атом од своите сили за да не израдуваат.
Нема веќе дебитантска трема, тоа што беше со Австрија сега да го заборавиме.
Пред нас е четата на Шевченко. Низ историјата сме ја победувале таа Украина, нека биде така и утре.
Мечот започнува во 15 часот а се игра на Националната Арена во главниот град на Романија.
Момци одиме силно, одиме ЈАКО!
sportmedia.mk
