Металург пристигна во Виена, каде утре ќе ги одмери силите со Фајверс, тимот против кого го освоија единствениот бод во Европската лига.
И на оваа средба македонскиот претставник ќе биде некомплетен во составот ќе ги нема Хорват, Лазаревски, Тодевски и Маркоски. Ова е нова шанса за помладите, кои пак максимално ја користат секоја минута на теренот.
Еден од нив е Андреј Митиќ, има 21 година, но без проблем го прифати големиот предизвик. Иако не се комплетни, сепак се надева дека Металург може да дојде до прва победа.
„Одигравме нерешено, а ова е добра шанса за нас младите, за сите за прва победа. Не сме комплетни, но се надевам дека ќе пружиме добра игра. И на мечот со Ч. Медведи во Скопје одигравме добро, но поради некои наши грешки во финишот го загубивме така натпреварот.
Што се однесува до мене, јас сум благодарен на Металург и тренерот Димитриоски за шансата што ја добив. Мое е на секој натпревар да го давам максумумот, да се надоградувам и да бидат подобар од натпревар во натпревар. Засега сум задоволен, но целта е да напредувам, а ова е голема шанса и за мене и за другите и за тоа“, изјави Митиќ пред утрешната средба.
sportmedia.mk