Ама баш ништо не се промени на врвот на табелата во италијанската Серија А по 36. коло во кое фаворитите за место во Лигата на шампионите успеаја да победат и да си ги задржат позициите на две кола пред крајот на сезоната.
Милан беше преубедлив на гостувањето кај Торино и го демолираше со 7:0. Анте Ребиќ и Тео Хернандез постигнаа по два гола за „росонерите“, по еднаш погодија и Круниќ, Кеси и Брахим Диаз.
Аталанта го задржа второто место на табелата по солидните 90 минути со Беневенто и сигурната победа од 2:0. Мурињл и Пашалиќ ја обезбедија 22. сезонска победа за момците на Гасперини.
Интер кој веќе ја освои титулата нанижа уште една победа. Во Милано падна Рома во меч во кој Интер за 10 минути во првиот дел постигна два гола. Брозовиќ и Весино најавија нова победа, по што Рома намали со голот на Мхитарјан. Лукаку го затвори мечот со голот во 90. минута за 3:1.
Јувентус кој се уште останува надвор од ТОП 4, славеше кај Сасуоло со 3:1.
Пандев и Џенова добија уште една важна битка за опстанок. На гостувањето кај Болоња, џеновјаните славеа со 2:0, а Пандев одигра 69. минути пред да биде заменет.
ИТАЛИЈА – СЕРИЈА А – 36. КОЛО
Интер – Рома 3:1
Торино – Милан 0:7
Сасуоло – Јувентус 1:3
Сампдорија – Специја 2:2
Аталанта – Беневенто 2:0
Болоња – Џенова 0:2
Лацио – Парма 1:0
Калјари – Фиорентина 0:0
sportmedia.mk