Според англиските медиуми тимот на Шефилд Јунајтед ќе остане без тренер. Крис Вајлдер денеска ќе добие отказ од страна на менаџментот на клубот.
Тој е еден од оние менаџери кои со златни букви ќе биде запишан во историјата на клубот, како тренерот кој го одвел тимот од третата лига, па се до највисок ранг на натпреварување, но во моментов клубот е закован за последната позиција на табелата со само 14. освоени бодови.
Сепак, според „Дејли меил“, причината за разрешувањето на Вајлдер е всушност конфликт со сопственикот Абдула бин Мусаад бин Абдулазиз ал Сауд. Сосптвеникот на клубот, има намера да постави спортски директор кој директно ќе одлучува за трансферите, а на тоа Крис Вајлдер не сака да се согласи.
sportmedia.mk