Ливерпул ја прекина серијата од два меча без победа во Премиер лигата откако вечерва на домашен терен со 2:0 го совладаа Саутемптон. „Црвените“ одиграа солиден меч, креираа неколку шанси за гол, а искористија само две.
По почетниот притисок, Мане во 31. минута го погоди голот на Форстер за водство од 1:0, по што до крајот на полувремето свои моменти и шанси имаа и гостите, но само поради одличниот Алисон бекер не успеаја да израмнат.
Во вториот дел и двата тима имаа по неколку убави прилики за гол, но дури во 90. минута Тиаго Алкантара успеа да го погоди голот на гостите за конечни 2:0. Ливерпул со оваа победа стигна до 57 бода за 6. место на табелата, но и реални шанси до крајот на сезоната да го нападнат 4. место кое води во ЛШ.
sportmedia.mk
