Тимот на Манчестер Јунајтед како прв пик според англиските медиуми зимава за засилување го има Виктор Осимен. Според истите, Јунајтед веќе стапил во контакт со претставниците на напаѓачот и дека приоритет ќе биде намалување на сумата која што стои како откупна клаузула, а тоа е 62 милиони фунти.
Сепак, за да трансферот на Осимен биде возможен во старт, Јунајтед мора да се ослободи од Маркус Рашфорд, кој исто така се проценува на вредност од 60 милиони евра.
Виктор Осимен моментално е на позајмица во Галатасарај од Наполи откако напаѓачот беше цврсто исклучен од плановите на Антонио Конте летото и направи се за да се раздели со матичниот клуб. За Нигериецот интерес пројавуваат и ПСЖ и Јувентус, но двата тима планираат да се обидат да го привлечат дури на лето.
