Фудбалерите на Реал (М) водат со 0:1 (ВИДЕО) по првиот дел на реванш четвртфиналето во Лигата на шампионите против Манчестер Сити на „Етихад“. Родриго ја искористи единствената вистинска шанса која ја направија момците на Анчелоти и во 12. минута ги донесе во водство. Манчестер Сити по примениот гол тргна во комплетна офанзива, креираше најмалку 3-4 убави шанси за израмнување, но Лунин и дефанзивците на Реал не дозволија да се затресе нивната мрежа.
На вториот меч во Минхен, првиот дел заврши без погодоци (0:0). Баерн (М0 имаше повеќе од играта во поголемиот дел од првото полувреме, но двете убави шанси кои ги креираа баварците успеа да ги одбрани фантастичниот голман на „топчиите“, Раја.
