Англиски Ливерпул ја оствари и четвртата победа во лигашката фаза од Лигата на шампионите и останува убедливо прв на табелата во најсилното европско натпреварување. „Црвените“ вечерва со 4:0 го победија Баер (Л) во еден од двата дерби мечеви на вечерта. Сите голови беа постигнати во вториот дел. Луис Диаз постигна хет-трик, а еден гол за момците на Арне Слот постигна и Коди Гакпо.
Најголемото изненадување вечерва го приреди Спортинг кој во Лисабон го демолираше англискиот шампион Манчестер Сити. Португалците славеа со 4:1, а хет-трик на мечот постигна неверојатниот напаѓач на домашните, Ѓокерес. Голот за Сити беше дело на Фоден, со кој тимот на Гвардиола и дојде во водство од 0:1, но до крајот доживеа вистинска катастрофа.
Продолжи кризата за Реал (М). Новиот ѕвезден тим на Карло Анчелоти вечерва потклекна пред Милан, кој замина триумфално од „Бернабеу“ со победа од 1:3. За Милан ова беше втора победа, а за „кралевите“ втор пораз во ЛШ. Головите за победа на Милан ги постигнаа Тиао, Мората и Реиндерс, додека единствениот гол за Реал го постигна Винисиус од пенал.
Борусија (Д) се намачи и минимално со 1:0 го победи Штурм. Голот на Мален во последните пет минути од регуларниот дел беше пресуден за новите три бода за Германците.
Селтик со 3:1 го совлада РБ Лајпциг на нашиот Елмас. Елиф стартуваше од клупата, доби шанса во вториот дел, но не успеа да направи ништо повеќе за неговиот тим да се спаси од пораз.
Монако замина со трите бода од Болоња, откако со голот на Керер во 86. минута гостите славеа со 0:1.
Нерешено заврши дуелот во Франција меѓу Лил и Јувентус. Таму домашните во првото полувреме поведоа со голот на Давид, додека „Старата Дама“ израмни со голот на Влаховиќ од пенал во 60. минута.
