Екипата на Олимпијакос е блиску до своето прво финале во еден европски фудбалски куп откако вечерва со 4:2 ја совлада Астон Вила и тоа во Бирмингем. Херој за тимот од Пиреја беше Ел Каби кој реализираше хет-трик.
Олимпијакос водеше со 0:2 по половина час со два гола на Ел Каби. Пред крајот на првиот дел Оли Воткинс намали, а во 52 минута Дијаби го изедначи резултатот на 2:2.
Четири минути подоцна повторно молк на „Вила парк“. Ел Каби од пенал носи водство за Олимпијакос од 2:3. На пеналот му претходеше игра со рака на Даглас Луиз во шеснаесетникот.
Во 67 минута Сантијаго Хезе шутираше топката удри во некој играч и го смени правецот измамувајќи го голманот Олсен. Во 84 минута Астон Вила можеше да намали од пенал. Но Даглас Луиз не погоди од белата точка.
🚨🚨| GOAL: HEZZE MAKES IT FOUR FOR OLYMPIACOS!!
Aston Villa 2-4 Olympiacos pic.twitter.com/mWLxd4qr5T
— CentreGoals. (@centregoals) May 2, 2024
Фиорентина го совлада Клуб Бриж со 3:2 на „Артемио Франки“ во Фиренца. Италијанците два пати водеа, а Белгијците изедначуваа и потоа домашните во финишот погодија за победа.
Во 5. минута Сотил носи предност за Фиорентина, во 17 минута Ванакен од пенал изедначи, а во 37 минута Белоти се погрижи „виолетовите“ на полувреме да одат со предност.
Во 61 минута Бриж остана со играч помалку, но тоа не им пречеше две минути подоцна да стигнат до 2:2 преку голот е Игор Тијаго.
Во 88 минута влезе Нзола Мбала и три минути подоцна ја погоди мрежата за победа на „виолетовите“ пред реваншот во Бриж.
