Екипата на Ливерпул стигна до планираните три бода во мечот со Шефилд Јунајтед во рамките на 31 коло на Премиер лигата. „Црвените“ славеа победа со 3:1 на својот „Енфилд“ иако гостите во вториот дел изедначија и чуваа реми до 76 минута кога домашните ги свртија работите во своја полза.
Поведе Ливерпул со голот на Дарвин Нуњез. Тоа се случи во 17.минута по огромната грешка на голманот Иво Грбиќ кој во обид да исфрли го погоди Нуњез и топката се одби во мрежата. Изедначи Шефилд со автоголот на Бредли во 58 минута.
Sheffield United deserves to get relegatedpic.twitter.com/cj6qyctkEX
— Troll Football Media (@Troll__Footbal) April 4, 2024
Тогаш Јирген Клоп реагираше, па направи четири рокади во екипата ги извади Салах, Собослаи, Гомез и Гравенбех, а ги внесе Елиот, Робертсон, Гајпо и Џонс. Со тоа освен свежина доби и брзина и офанзива по крилните позиции.
Во 76 минута на асистенција на Диаз, аргентинскиот интернационалец Мекалистер го носи Ливерпул во водство од 2:1. Во 90 минута нововлезениот Гакпо го постави конечниот резултат на асистенција на исто така нововлезениот Робертсон.
MAC ALLISTER WHAT A GOAL pic.twitter.com/Gfx9Vm5oNP
— H (@TheLiverpoolEra) April 4, 2024
Ливерпул има 70 бода на табелата, два повеќе од Арсенал, а три од Манчестер Сити.