Бобан Николов официјално ќе има нов тренер. Екипата на Лече официјално го отпушти тренерот Еугенио Корини, откако не успеа да се пласира во плеј-офот за пласман во италијанската елита.
Во актуелната сезона, Лече заврши на четвртото место и до пред неколку недели беше фаворит за второто место во Серија Б. На крајот не успеаја да обезбедат директна промоција, а се „сопнаа“ уште на првата пречка во плеј-офот, откако испаднаа од Венеција.
Корини минатото лето имаше потпишано тригодишен договор со Лече, а неговото заминување веројатно е и добра вест за нашиот репрезентативец, кој не уживаше доверба кај Корини, па постојано беше на клупата за резерви.
sportmedia.mk
