Во дербито на 29.коло во Серија А, Лацио со 1:0 го победи Милан на својот „Олимпико“.Стрелец на единствениот гол на натпреварот беше Исаксен во 26-тата минута.
Милан на тој начин ја пропушти шансата да се приближи до Интер, кој ремизираше со Аталанта во саботата. Сепак, Интер остана лидер со 68 бода, Милан сега има 60 и се чини дека вечерва ја пропушти последната шанса да се вклучи во борбата за Скудетото.
Лацио беше опасен вечерва, особено во првото полувреме, по што заслужено поведе со голот на Исаксен.
Пред тоа, Милан одеднаш се закани еднаш преку Страхиња Павловиќ, кој се најде во опасна позиција, но беше блокиран, а потоа шанса имаше и Еступињан. Во 26-та минута, Лацио поведе, Марушиќ испрати долг пас, Еступињан беше лошо поставен, а Исаксен му избега, излезе до Мењон и го погоди далечниот агол за 1:0. Ова беше и конечен резултат.
Во последните моменти од натпреварот, тренерот на домашните, Маурицио Сари доби директен црвен картон поради жалба до судијата, што е единствената лоша вест за Римјаните вечерва.
