Новиот тренер на Милан, Серхио Консеисао, дебитираше на тренерската функција со победа, откако синоќа Милан го победи Јувентус со 2-1 во полуфиналето на италијанскиот Суперкуп во Ријад, Саудиска Арабија. Во финалето на натпреварувањето на 6 јануари, миланскиот тим ќе се соочи со освојувачот на трофејот Интер.
„По првите 45 минути во соблекувалната не давав пофалби, всушност бев малку лут затоа што тимот не ги направи работите што ги подготвивме. Не сум многу убав човек, не сакам да ги гушкам играчите, почесто сум лут, но сето тоа му треба на тимот. Нашиот тим е квалитетен, јас сум многу среќен со нив, бидејќи прифатија тренер кој не е толку насмеан. Јас не сум тука за да се дружам, туку да победувам“, изјавил Консеисао по средбата.
