Навивачите на Вардар, „Комити“ денеска организираа прес-конференција на која дадоа отчет за тоа колку пари се собрани за спас на Вардар. Изразија надеж дека клубот ќе опстане и благодарност до ФФМ и општина Марино што им овозможи на играчите да има каде да тренираат.
„Целиот стадион е распродаден. Ова беше една акција која беше поддржана од сите. Се продаде целиот капацитет, а со тоа е срушен рекордот на спортски настан во Македонија.“, велат „Комити“, кои собраа 3 380 100 денари.
„Вардар ќе живее, не само затоа што ние сакаме така, туку затоа што и народот така сака. Можеби некој не сака така да биде, но веруваме дека така ќе биде. До нас допреа гласини за некакви стечаи, банкроти и слично. Се надеваме дека нема да дојде до тоа. Благодарност до ФФМ и до општина Марино кои овозможија тимот да има каде да тренира“.
sportmedia.mk
