По катастрофата во финалето во ЛШ, кога Интер беше поразен со 0:5 од ПСЖ, раководството на клубот од Милано се одлучи да се раздели со Симоне Инзаги, а на негово место за нов стратег да го назначи Кристијан Киву. Познато е дека Романецот беше дел од славната генерација на Интер која во 2010 година, заедно со Горан Пандев и останатите ја освои “триплетата“.
И само што дојде, само што го презема тимот, Киву предизвика вистински „земјотрес“ откако најави дека има намера да прави “НОВ“ Интер и дека осуммина ќе можат слободно да си одат.
Тие се Јан Бисек, Франческо Ачерби, Кристијан Аслани, Хакан Чалханоглу, Давиде Фратези, Валентин Карбони, Мехди Тареми и Пио Еспосито.
Засега Интер ги ангажираше Луис Енрике и Петар Сучиќ, а Киву се надева дека по завршувањето на СКП раководството на клубот ќе му донесе уште некое засилување.
