По пауза од четири години Брегалница се врати во елитата. Од денеска, на две кола до крајот на сезоната во ВМФЛ – ИСТОК, со триумфот над Кожуф од 3:0, штипските „“сини“ ставија печат на пласманот во елитата.
Она што минатото лето го вети првиот човек на клубот, Кире Гогов, тој и го исполни. Тој и неговите соработници од раководството, потоа стручниот штаб на чело со Марјан Секуловски и секако играчите, на Штип му ја вратија фудбалската гордост.
“Па, искрено среќен сум, пресреќен сум. Ова е голем успех за за сите нас во клубот. Кога дојдовме во Брегалница првата цел беше да го вратиме клубот каде што треба да биде, ете тоа е остварено. Сега пред нас се нови предизвици. Честитки за момците, честитки за фубалски Штип“изјави за СПОРТМЕДИА претседателот на Брегалница, Кире Гогов.
sportmedia.mk