Дефанзивецот на Јувентус, Џорџо Киелини проговори за состојбата во тимот во деновите на репрезентативна пауза. Искусниот член на италијанскиот шампион вели дека оваа сезона проблемот не е во тренерот, како што некои тоа во медиумите сакаат да го наречат, туку во клубот како целина.
„Јуве не го постигна очекуваното од него оваа сезона, но проблемот е во Јувентус како целина, а не во Пирло“, вели Киелини.
Торинскиот клуб по 27 натпревари е само 4-ти на табелата во Серија А, со 10 бода помалку од водечкиот Интер. Згора на тоа, „Старата Дама“ ги заврши и настапите во Лигата на шампионите по елиминацијата од Порто во осминафиналето.
sportmedia.mk