Звучи чудно, па и лудо,но сепак има нешто во “приказните“ дека Хари Кејн во летниот преоден рок си оди од Баерн Минхен. Неговиот сон е дресот на Барселона, а еве на кој начин ќе може да дојде до него.
Иако капитенот на Англија е во години, според она што го покажува во Баерн Минхен јасно е дека Кејн може да игра во супер форма барем уште три сезони.
Неговиот договор со “баварците“ е до јуни 2027, ама имало тајна клаузула во која стои дека тој за околу 60 милиони евра може да си оди од Минхен една година порано. Условот е само во јануари да им соопшти на раководните лица на Баерн дека сака да си оди, односно да ја активира откупната клаузула.
Се шпекулира дека и Манчестер Јунајтед и Манчестер Сити се интересираат за можноста да го вратат Кејн на Островот, но сепак неговите планови за иднината биле врзани само за Барселона.
