По неколку дена, откако мина еуфоријата на едната, односно очајот на другата страна, и кога и двата тима одиграа уште по еден натпревар во домашниот шампионат, конечно Хери Кејн го даде своето мислење за она што на Тотенхем му се случи во Загреб. Елиминацијата од Динамо во осминафилето од Лигата на Европа со конечни 3:2.
“Тоа беше една голема срамота. Пристапот ни беше очаен. Не се движевме заедно на теренот, не „влечевме“ сите во ист правец, го загубивме начинот на кој игравме до тој момент и кој не краси. Немаше заедништво. Немаше ништо“ – изјави Кејн по вчерашниот триумф на Тотенхем на гостински терен против Астон Вила. Очигледно дека јавноста во Британија уште некое време ќе се бави со тој шокантен пораз на еден од главните фаворити ширум Европа, и како тоа Тотенхем усшеа да испушти домашна предност од 2:0.
sportmedia.mk
