Играчот за врска на француски Рен, Едуардо Камавинга, не крие дека сака да ја продолжи кариерата во Реал Мадрид. Сепак, „кралевите“ нема да можат да потпишат со 18-годишната ѕвезда на Рен, затоа што финансиската криза предизвикана од пандемијата на коронавирусот не остави простор за спектакуларни трансфери дури и во Реал (М).

Францускиот играч за врска е подготвен да биде трпелив и најпрво да го продолжи договорот со Рен, па во иднина да се пресели во Реал. „Кралскиот клуб“ претрпе сериозни загуби, па следното лето ќе го намали фондот за трансфери, концентрирајќи се на само една скапа аквизиција, а во моментов прв приоритет е напаѓачот на ПСЖ, Килијан Мбапе. Алтернатива за него е Ерлинг Холанд од Борусија Дортмунд.

sportmedia.mk