Бразилскиот голман Едерсон наскоро би можел да го напушти Манчестер Сити, каде што престојува од 2017 година.
Сега 31-годишниот Едерсон наскоро би можел да се пресели во Турција, односно во редовите на Галатасарај, кои се исклучително заинтересирани да го доведат.
Оваа информација во саботата навечер ја потврди Фабрицио Романо, кој изјави дека челниците на Сити првично чекаат понуда од турскиот гигант, но дека разговорот меѓу голманот и Галата е во тек.
Едерсон дојде во Манчестер во летото 2017 година за 40 милиони евра од Бенфика, а во меѓувреме беше дел од дури шест шампионски тимови во Премиер-лигата, заедно со бројни други трофеи, како што е Лигата на шампионите во 2023 година.
Како замена за Едерсон, Сити го таргетираше Џејмс Трафорд, 22-годишниот англиски голман кого го продадоа пред само две години.
Во 2023 година, Трафорд се пресели во Барнли за 23 милиони евра, а потоа беше договорена откупна клаузула за „граѓаните“ од 46 милиони, што е сумата што ќе мора да ја платат сега.
Тимот предводен од Пеп Гвардиола се надева дека ќе може да ги врати услугите на Трафорд за помалку од тоа, а целата приказна би можела да го вклучи и Стефан Ортега, замената на Едерсон, кој би можел да биде првата опција во Барнли.
