Кадетската и младинската ракометна репрезентација на Македонија во женска конкуренција, денеска во седиштето на Европската ракометна федерација во Виена ги дознаа противниците за Европските првенства и ЕХФ шампионатите кои ќе се одржат на лето.

Младинската женска репрезентација до 19 години ќе биде домаќин на ЕХФ шампионатот и ја избра групата во која ќе игра. Македонија се најд ево друштво на репрезентациите на Холандија, Фарските острови, Косово и БиХ.

По натпреварите во групната фаза, првите две селекции ќе играат полуфинале, а освојувачот на ЕХФ шампионатот обезбедува место на Светското првенство 2022 година. ЕХФ Шампионат (У19) во Македонија ќе се одржи од 8 до 15 јули.

Кадетската женска репрезентација (У17) ќе настапува на ЕХФ шампионат во Литванија, во градот Клаипеда. Во групата со Македонија се и Шпанија, Литванија, Финска, Косово и Велика Британија. ЕХФ Шампионат (У17) во  Литванија е закажан од 7 до 15 август.

sportmedia.mk