Комо – Интер 3:4 е исходот од дербито на 32 коло во Серија А. Победа извојувана со шампионски пресврт на лидерот кој сега има +9 во однос на Наполи и +12 во однос на третиот Милан. До крајот остануваат уште шест кола до крајот, а тоа значи дека Интер е блиску до нова титула, или до враќање на титулата. Интересно, клубот од “Џузепе Меаца“ во последно време секоја втора сезона станува шампион.
Одличен меч, интересен, со многу шанси и голови и со голем пресврт на тимот на Кристијан Киву вечерва во Комо.
Ретко кој очекуваше вакво нешто во таа 45.минута кога домшните имаа 2:0 со головите на Вале и Паз. Сепак во 45+2.минута Тирам намали на 2:1. Што ли ќе се случеше ако Интер не намалеше на 2:1, којзнае?
Во второто полувреме Интер ја презеде контролата на настаните, следуваа головите на Тирам во 49.минута за 2:2. Дамфрис во 59.минута му донесе водство на 2:3, а истиот играч во 72.минута зголеми на 2:4.
Но, тоа не беше се. Во 88.минута домашните со голот на Да Куња од пенал дојдоа до 3:4 за драма во финишот на ова дерби. Имаа и шанси за израмнување, ја погодија и пречката, но сепак на крајот резултатот гласеше 3:4 и победа за Интер.
