Она што го најавивме како проекција пред неколку дена, од утринава е и официјално. Имено нашата најдобра фудбалска репрезентација за месец мај се најде на 62-то место на ФИФА листата. Тоа значи дека не сме се помрднале, ни погоре ни подолу во однос на месец април кога бевме исто на 62-та позиција.
Ова е сосема очекувано, ако се знае дека во изминатиот период немаше репрезентативни активности.
За месец јуни сигурно е дека ќе има поместувања, имено на 11 следниот месец стартува ЕУРО 2020 на кое ќе учествува и Македонија.
Инаку на првото место на ФИФА листата и натаму е Белгија, следуваат Франција, Бразил, Англија, Португалија, Шпанија, Италија…
Нашите ривали на ЕП се на следните места на најновата ФИФА листа. Холандија е 16-то место, Австрија е 23-та сила во светот Украина пак 24-та.
sportmedia.mk
