Она што се најавуваше во изминатите неколку денови, и се оствари. Давид Атанасковски и официјално е нов член на Шахтјор Караганди, еден од најдобрите клубови во Казахстан. Денеска левиот бек и официјално потпиша договор, а потоа следуваше и промоција. Не се наведува на колку е потпишан договорот, само тоа дека клубот ангажирал квалитетен фудбалер од Македонија.
Инаку Давид Атанасковски има 24 години, роден е во Скопје, а досега во својата кариера има настапувано за екипите на Тетекс, Хоризонт Турново, А. Пандев и Македонија ЃП, од каде и направи трансфер во Казахстан.
Секако дека за ова треба да се пофалат и “лавовите“, на кои за само неколку месеци ова им е трет трансфер на нивни играч кој заминува во странство, се разбира со отштета.
sportmedia.mk