Хрватскиот фудбалер Борна Соса, во моментов ја бранува јавноста во Хрватска по неговата одлука во иднина да игра за репрезентацијата на Германија.

Тој експресно доби пасош на Германија, и бил контактиран од фудбалската федерација, со што одговорил потврдно на повикот да биде дел од националниот тим за престојното ЕП.

Утрово бил контактиран и од хрватскиот сојуз, но им кажал за одлуката.

„Ми се јавија од ХНС и селекторот Далиќ, им ја кажав мојата одлука и веќе нема назад. Ми посакаа среќа и тука приказната заврши“, рече Соса, пренесува „24 сата“.

Соса има настапи за младите селекции на Хрватска. Тој е еден од играчите кои го прифатија повикот од друга земја, иако е роден во Хрватска. Истото го стори Аријан Адеми кој одби да настапува за Хрватска откако не се најде на списокот за Мундијалот во Бразил 2014, и прифати да настапува за Македонија, иако има настапи за младите селекции на „коцкастите“.

 

sportmedia.mk