Во заостанатиот меч од германската Бундес лига Херта со убедливи 3:0 го совлада Фрајбург и за момент избега од опасната зона. „Берлинците“ вечерва одигра одлично и ја запишаа седмата победа во првенството па со тоа ја прекинаа и серијата од три нерешени резултати. Пјонтек ја отвори гол-серијата, ја продолжи Пекарик во првото полувреме, а ја заокружи Радоњиќ во 85. минута.
Херта се уште не е сигурна. Со меч помалку има 30 бода на 14-тата позиција, а исто толку имаат и екипите под неа Вердер и Арминија Билефелд. Претпоследниот Келн има 29 бода.
До крајот треба да се одиграат уште четири кола. Во недела Херта ќе игра со директниот ривал за опстанок Арминија и тоа на домашен терен.
Фрајбург е во сигурната зона.
sportmedia.mk