Илкај Гундоан ја игра својата најдобра сезона во својата кариера во дресот на Манчестер Сити. Исто така игра и за репрезентацијата на Германија, се сеќавате дека од пенал ни даде гол за 1:1 во Дуизбург, меч кој заврши со наша победа од 2:1.
И покарај огромните привилегии кои ги има како фудбалер овој германски репрезентативец со турски корени, сепак има и проблеми, и тоа тој тоа го кажува јавно:
“Искрено себе си се сметам за Турчин, но некои Турци се прашуваат дали јас наивистина сум тоа. Тоа е многу лошо чувство, јас сум дел од двете земји, но понекогаш сум заглавен некаде во средина. Велат дека не сум целосно и Германец, дека не сум ни Турчин, па добро, што сум јас тогаш?“.
Гундоан кога стигнал во Борусија Дортмунд, многумина го гледале со потценување.
“Никогаш нема да заборавам на еден момент. Барав стан во градот и слушнав (позади грб) како луѓето говорат за мене. `Гундоан? Тој е Турчин. Ќе може ли да си го дозволи овој стан`. Кога им кажав дека сум фудбалер тогаш ми рекоа – `Повелете господине, ве молеми влезете, ние сме ви на располагање`. А и тие беа емигранти. Навистина тажно и жалосно“, заврши фудбалерот на Сити и репрезентацијата на Германија.
sportmedia.mk
