Фудбалерите на Манчестер Сити без поголеми проблеми дојдоа до планираните бодови во првиот свој настап на Светското клупско првенство во САД. Попладнево на отворањето на новата програма, „граѓаните„ славеа со 2:0 против екипата на Видад Казабланка од Мароко.
Сити поведе по само две минути игра, откако Фил Фоден ја затресе мрежата на Мароканците, а до крајот на првото полувреме белгискиот репрезентативец Жереме Доку погоди и за 2:0.
Во вториот дел не видовме гол, но за одбележување е црвениот картон на младиот Рико Луис од Манчестер Сити, кој беше исклучен во 88. минута поради груб старт. Во рамките на оваа група „Г“ вечерва играат Ал Аин и Јувентус.
