Фудбалерот на Интер, Мехди Тареми, е во својата татковина Иран, која веќе два дена е во војна со Израел, и засега ќе остане таму поради неможноста да ја напушти земјата.
Тареми нема да може да му се приклучи на тимот кој се очекува да учествува на Светското клупско првенство во САД (15 јуни – 13 јули). Сите аеродроми во Иран моментално се затворени, летовите се откажани, па Тареми ќе мора да почека поповолни околности за да полета од земјата, но прашањето е кога ситуацијата ќе се врати во нормала.
Мехди требаше директно да отпатува од Иран во Калифорнија, каде што тимот се подготвува со новиот тренер Кристијан Киву. Како што стојат работите, Тареми ќе го пропушти целиот турнир.
