Фудбалерот на КПР, Илиас Чер е осуден на затворска казна на една година откако беше прогласен за виновен за тепачка. 26-годишниот фудбалер со камен му го пукнал черепот на возач на камион поради што е прогласен за виновен и ќе одлежи затвор во времетраење од 12 месеци, а освен тоа ќе биде суспендиран од фудбалот уште 12 месеци.
Исто така тој ќе мора да и плати на жртвата отштета во висина од 13 и пол илјади фунти. И неговиот брат Жабер кој учествувал во тепачката исто така е осуден на затворска казна.
Инцидентот се случил во летото 2020 година додека тој, брат му и неколку другари биле на одмор во Франција. Инаку играчот од средниот ред е роден во Белгија, а настапува за Мароко. Пред КПР настапувал за Лирс.
sportmedia.mk
© Vecer.mk, правата за текстот се на редакцијата
