Одличниот француски фудбалски стратег Ерв Ренар даде отказ од селекторската позиција на Саудиска Арабија поради нова работа. Тој одлучил да ја прифати понудата на Фудбалската федерација на Франција и да биде селектор на женскиот национален фудбалски тим на претстојното Светско првенство.
Инаку, Ренар доаѓа на местото на Корин Диакре која доби отказ откако капитенката и уште некои фудбалерки порачале дека нема да играат на СП додека не биде сменет селекторот.
Ренар од 2019 година ја водеше Саудиска Арабија, а на СП во Катар неговата репрезентација беше единствената која ја совлада Аргентина, идниот светски шампион во чудесен меч во групата (2:1). Инаку Ренар работеше и како селектор на Замбија со која стана Африкански првак, а потоа истото го направи и со репрезентацијата на Брегот Слонова Коска.
