„Никој не е подобар од ПСЖ“, рече тренерот на парискиот тим, Луис Енрике, пред вечерашниот прв натпревар од полуфиналето на Лигата на шампионите помеѓу ПСЖ и Баерн.
„Не станува збор само за напаѓачката статистика, туку ако се погледне и дефанзивната статистика, ова се најдобрите тимови во Европа“, им рече Луис Енрике на новинарите пред натпреварот во Париз. „И ниту еден тим не е подобар од нас“, додаде тој.
ПСЖ ја брани европската титула откако го декласираше Интер со 5:0 во финалето минатата сезона. Оваа сезона, парискиот клуб ја заврши лигата на 11-то место, а потоа стигна до полуфиналето преку Монако, Челзи и Ливерпул.
„Магијата на Лигата на шампионите им дава посебна енергија на играчите, сите сакаат да бидат таму и да го искористат ова време максимално“, рече 55-годишниот Шпанец.
Енрике е свесен за дека нападот на Баерн е опасен, ова е тим кој постигна 113 гола во Бундеслигата оваа сезона, 38 во Лигата на шампионите и 14 во Купот на Германија.
„Знаеме колку ќе биде тешко и мора да знаеме како добро да се браниме“, истакна тој. Францускиот клуб, исто така, негува напаѓачки фудбал. Сепак, Енрике верува дека клучот ќе биде одбраната.
„Иако има тимови кои напаѓаат многу добро, мора да знаете како да се браните, тоа ќе биде клучот. Мора да знаете како да се браните против такви тимови. Тоа е атрактивен натпревар за сите навивачи, помеѓу два тима кои имаат многу добра сезона.“
Францускиот клуб долго време се стреми да ја освои Лигата на шампионите, а откако конечно го остварија тој сон минатата сезона, нивните амбиции се високи и оваа сезона.
„Првиот пат беше олеснување, сега е различен извор на мотивација бидејќи минатата година беше одлична. Напишавме историја. Но, сè уште сме гладни“, рече тој, пофалувајќи го својот колега на спротивната клупа.
