Португалскиот фудбалер Кристијано Роналдо наскоро би можел да стане нов играч на Ал Наср од Саудиска Арабија, пренесува шпанска „Марка“.
Шпанскиот весник истакнува дека Роналдо има неверојатна понуда на маса - договор на две и пол години и нереални 200 милиони евра по сезона!
"Роналдо е блиску до договор со Ал Наср. Во овој клуб ќе заработува 200 милиони евра по сезона, а во договорот ќе биде вклучена и рекламна клаузула. Роналдо нема избор. Ниту еден европски клуб не може да ја следи финансиската понуда на Ал Наср, и истото не можат да го направат ни клубовите од МЛС лигата“, пишува „Марка“.
Наводно, трансферот ќе се реализира по завршувањето на Светското првенство во Катар.
Тренер на Ал Наср е Руди Гарсија, а најголеми ѕвезди на тимот во моментов се голманот Давид Оспина и шпанскиот фудбалер Алваро Гонзалес. Заедно со Ал Хилал, Ал Наср е клубот со најмногу трофеи во Саудиска Арабија.
Да потсетиме, Роналдо пред 10-ина дена го раскина договорот со Манчестер Јунајтед и моментално е слободен играч.
© Vecer.mk, правата за текстот се на редакцијата
