Џорџ Форман, еден од најголемите боксери во историјата, олимписки шампион и двократен светски шампион во тешка категорија, почина на 76-годишна возраст.
„Со голема тага ја објавуваме смртта на нашиот сакан Џорџ Форман Сениор. Тој почина мирно, опкружен со своите најблиски. Хуманитар, олимпиец и двократен светски шампион во тешка категорија, тој беше многу почитуван“, објави неговото семејство на Инстаграм, без да се прецизира причината за смртта.
Зад себе оставил 12 деца, кои ги имал со пет сопруги.
Роден е во Тексас во 1949 година. Се прослави со освојувањето на златниот олимписки медал во 1968 година.
Една година подоцна, тој стана професионалец и во 1973 година се врати на врвот како аутсајдер.
Совладувајќи го фаворитот Џо Фрејзер на Јамајка, тој за прв пат стана светски шампион во тешка категорија. Тој ја одбрани титулата против Хозе Роман и Кен Нортон, пред да се бори со Мухамед Али во познатата борба позната како „Румбл во џунглата“ во Киншаса, Конго. Но, со таа победа ја прекина доминацијата на Форман.
За паметење беше и враќањето на Форман на врвот во 1994 година, со победата над Мајкл Мурер и освојувањето на појасот во тешка категорија на 45-годишна возраст. Така, тој стана најстариот шампион во историјата, како и рекордер за најдолг период меѓу неговите две титули.
Форман не бил познат само како боксер. Бил проповедник во црквата. Беше успешен и во бизнисот. Тој заработил стотици милиони долари од продажба на електрична скара што го носи неговото име.
© Vecer.mk, правата за текстот се на редакцијата
