Бруклин ја запиша 16-та победа оваа сезона, откако на гостувањето кај Голден Стејт славеше со 117-134. Ова беше посебен дуел за Кевин Дурент, против својот некогашен тим постигна 20 поени, пет скока и шест асистенции. Прв стрелец во редовите на Нетси беше Кајри Ирвинг со 23 поени, Џејмс Харден имаше дабл-дабл од 19 поени и 16 асистенции, зад своето име додаде уште 8 скока.
Кај домашниот состав, Стев Кари имаше 27 поени, кои не беа доволни за триумф.
[embed]https://www.youtube.com/watch?v=5c9QarluUgk[/embed]
Јута продолжува победнички во НБА-лигата, на домашен терен го совлада Мајами со 112-94, и тоа благодарение на одличната игра во третата четвртина во која дојдоа на плус 21 (63-42). Донован Митчел имаше 26 поени, додека Бојан Богдановиќ застана 19 поени.
На останатите средби, Њујорк го совлада Хјустон со 121-99, Атланта – Индијана 113-125 и Феникс беше подобар од Филаделфија со 120-111.
sportmedia.mk
