Светскиот рекордер во скок со стап, Швеѓанецот Арманд Дуплантис ја освои европската титула во сала и тоа на тотално доминантен начин. 20-годишниот Швеѓанец постави нов европски рекорд во сала, прескокнувајќи фантастични 6,05 метри.
Тој го обезбеди златото веќе со прескокнати 5,85 метри, а потоа ја качи летвичката на висина од над шест метри. Дуплантис, кој има 6,10 метри оваа зима, се обидува да постави нов светски рекорд уривајќи ја границата од 6,19 метри, но вечерва тоа не му успеа.
Досегашниот европски рекорд во сала беше 6,04 метри и го држеше Рено Лавиени од Прага 2015 година.
Интересно, на ЕП во Торун својот прв медал во скок со стап го освои Валентин Лавиени, кој е помлад брат на поранешниот светски рекордер Рено. Валентин денеска го изедначи неговиот личен рекорд од 5,80 м за сребро на првенството во Полска.
🔥 Sobradísimo Duplantis #Torun2021 pic.twitter.com/9AcDfOMUmL
— Teledeporte (@teledeporte) March 7, 2021
sportmedia.mk