Дрејмонд Грин, играчот на Голден Стејт Вориорс, синоќа ја имаше можеби една од најважните прес конференции во поновото време во НБА лигата. Тој по триумфот над Кливленд од 129:98 буквално „експлодираше“ на пресот, а повод беше трејдот на Андре Драмонд кој не играше за Кавалирси затоа што дозна дека е трејдуван.

„Го видов на загревањето, потоа го снема и се врати во „цивилка“. Дознал дека е трејдуван. тоа буквално е „с..ње“. Сетете се само што му се случуваше на Џејмс Харден кога побара трејд од Хјустон, а не му беше дозволено. Не му беше дозволено и буквално го уништија. Доколку не правиш онака како што сакам, ти си канцерот во тимот, и пробуваат да те уништат. Де Маркус Казинс по мечот од новинарите дозна дека е трејдуван. Ентони Дејвис беше казнет со 100 илјади долари бидејќи јавно изјави дека сака да замине во друг клуб. Тимовите можат да прават што сакаат, а ние мора да сме професионалци. Мора да не почитуваат повеќе. Како играч ти си ништо во споредба со екипата. Тоа мора да се промени. Лигата мора да не заштити“ – изјави Грин.

 

 

sportmedia.mk