Хрватскиот фудбалски шампион Динамо Загреб го објави идејното решение за изградба на новиот стадион, кој треба да биде завршен за период од три години.
Стадионот ќе чини 60 милиони евра и треба да биде завршен најдоцна до 2024 година.
„Во моментите кога нашите играчи пишуваат нови поглавја во историјата на Динамо, за првпат ја презентираме идејата и визијата за тоа како треба да изгледа нашиот дом! Врз основа на материјалите направени од клубот и во согласност со стандардите на УЕФА, визуелниот изглед на стадионот во Максимир е дело на познатиот загрепски архитект Ото Бариќ, со неговите партнери од специјализираната компанија „Полимашин“ кои идејата и визијата ги претворија во овие фотографии“, стои во клупската објава.
Новиот стадион Динамо вклучува:
– 34.000 покриени места
– 3.000 ВИП места
– медиумски центар
– обезбедено сместување за гледачи со посебни потреби
Во изградбата на новиот стадион клубот ќе влезе заедно со стратешкиот партнер во проектот – Градот Загреб.
sportmedia.mk