Македонското дерби во Ендеса лигата му припадна на Ненад Димитријевиќ. Неговиот Хувентуд ја совлада Сарагоса за кого настапува Џејкоб Вајли со 100:95 во рамките на 25. коло во шпанскиот шампионат.
Димитријевиќ средбата ја заврши со 19. поени (2/3 за три, 6/9 за два и 1/2 за еден поен), пет асистенции и еден скок за 25:25 минути во игра. На другата страна Вајли имаше дабл-дабл ефект од 21. поен (9/16 во шутот од поле,3/4 од линијата за слободни фрлања), десет скока и едно додавање за 26:29 минути на теренот.
Нено не само што поентираше, туку имаше и актрактивни асистенции. Во еден напад добро измами Вајли, влезе кон кошот, Американецот скокна да го блокира, но плејмејкерот умешно ја додаде топката до својот соиграч.
sportmedia.mk
