Италијанскиот шампион Милан мора да одбира помеѓу Хаким Зијеш од Челзи или Марко Асенсио од Реал Мадрид за да го засили офанзивниот дел од тимот. Според „Газета дело Спорт“, клубот планира да потроши 30 милиони евра за дефанзивец кој им е многу потребен, но исто така сака да го засили и нападот и да најде уште еден креативен играч од средниот ред.

Зијеш може да биде достапен како позајмен фудбалер со опција да биде откупен неговиот договор со Челзи од друга страна Асенсио влезе во последната сезона од договорот, а според шпански „АС“ Реал бара 40 милиони евра додека понудата на „росонерите“ е околу 30 милиони евра.

Асенсио е подобра варијанта за Милан кој игра на десната крилна позиција, додека на левата „Росонерите“ веќе го имаат квалитетниот Рафаел Леао.
Претходно Милан „извиси“ во трката по дефанзивецот Свен Ботман кој го одбра Њукасл.

sportmedia.mk