Одбојкарите на Џио Струмица попладнево го совладаа ГОК Борец со 3:0 (25:17, 25:14, 25:15) и со тоа ја добија полуфиналната серија од разигрувањето во Првата македонска лига со 2-0 во победи.
Струмиќани ја потврдија доминацијата и експресно се пласираа во финалето, каде ги очекува пресметка со Универзитет во Тетово, кој веќе е финалист по двојниот успех против скопски Вардар.
На денешниот реванш во Велес, освојувачот на годинашниот куп лесно дојде до победата над четвртопласираниот тим од основниот дел од шампионатот.
Во финалната низа за титулата силите ќе ги одмерат двете најдобри екипи сезонава, а во неа Џио Струмица ќе влезе со предност од 1-0 во победи. Тоа значи дека најмалку ќе има две, а најмногу четири средби. Првата е закажана в петок во Тетово со почеток од 18 часот.
sportmedia.mk
