Во неверојатен меч со седум постигнати гола, Белгија успеа на домашен терен во Брисел да ја оствари првата победа во нашата квалификациска група победувајќи го Велс со 4:3. Натпреварот понуди големи возбудувања, по едно одлично прво полувреме за домашните и неверојатното враќање на островјаните во вторите 45 минути.
Белгија тргна моќно и успеа да дојде до висока предност од 3:0 за само 27 минути во првиот дел. Лукаку од пенал отвори, а потоа погодија и Тилеманс и Доку за убедлива предност на домашните. Пред крајот на полувремето гостите добија пенал и намалија на 3:1 преку Хари Вилсон.
Овој гол како да беше иницијална каписла кај Велс за фантастично враќање во вториот дел. Со головите на Томас и Џонсон, гостите израмнија на 3:3, по што Руди Гарсија и неговите момци тргнаа на се или ништо. напрви Лукаку погоди за водство, но голот беше понуштен од ВАР, а потоа во 88. минута Кевин де Брујне успеа да донесе голема радост на трибините со гол за 4:3.
