Легендарниот Јирген Клинсман, даде интересна изјава во која симболично сакаше да го разјасни проблемот на италијанскиот фудбал.
Италијанските клубови доживеаа дебакл во Европа, Јувентус, Аталанта, Интер, а пред тоа Наполи лесно беше елиминиран од Лигата на шампионите, додека репрезентацијата остана без трето последователно Светско првенство.
Јирген Клинсман, кој некогаш играше за Интер како играч, објасни зошто италијанскиот фудбал е во пад. Тој верува дека една од причините е што не им веруваат доволно на младите таленти.
„Фактот дека немаат вистински лидери на клучни позиции, технички надарени играчи и доверба во младите таленти, тоа им дојде на наплата. Верувам дека ако ги имаат Ламине Јамал и Џамал Мусијала би играле во Серија Б, бидејќи во Италија би сметале дека треба да стекнат повеќе искуство, а тоа не може да биде случај“, рече Клинсман.
Германецот ја критикуваше и тренерската филозофија во Серија А.
„Тактичката култура е исто така пречка. Многу тренери во Италија, дури и денес, работат со цел да не губат, наместо да сакаат да победат по секоја цена. Ова се резултатите од сето тоа“, рече Клинсман.
sportmedia.mk
© Vecer.mk, правата за текстот се на редакцијата
