Откако изминатата сезона ја помина на позајмица во Турција од неговиот Наполи, се чини дека Осимен нема да се врати во Италија, но нема да остане ниту во Галатасарај. Веста дека Осимен се согласил да оди во Саудиска Арабија, поточно во Ал Хилал, експлодираше на социјалните мрежи како бомба. Тој ќе потпише тригодишен договор со Ал Хилал.
Наскоро се очекуваат повеќе информации за договорот и платата, а јасно е дека сите се изненадени од развојот на ситуацијата.
ПСЖ исто така бил заинтересиран, но Осимен се чини дека решил да ја продолжи кариерата во Саудиска Арабија.
Осимен има договор со Наполи до 2026 година, а Наполи би можел да заработи над 70 милиони евра од неговата продажба.
Брилијантниот напаѓач постигна 36 гола во сите натпреварувања за Галатасарај оваа сезона, и ја освои двојната круна во Турција.
